حوادث

09:39 صباحًا EET

بالصور والفيديو.. «السيسي» يزور «ضحية التحرش»: هنجيبلك حقك

قام الرئيس عبدالفتاح السيسي، والفريق أول صدقي صبحي، وزير الدفاع والإنتاج الحربي، والفريق محمود حجازي، رئيس أركان حرب القوات المسلحة، بزيارة السيدة التي تعرضت للتحرش بميدان التحرير، وقال لها السيسي:  “حقك علينا، معلش، متزعليش، حمد لله على السلامة، أنا تحت أمرك.. أنا آسف”.

وأضاف: “متزعليش، إحنا آسفين، وعايز أقولك مش هاكلم وزير الداخلية ولا وزير العدل، هاكلم كل جندي في مصر، شرطة مدنية أو جيش في كل حته، بكلمكموا أنتوا كل ضابط صغير مش ممكن أبدا هيحصل ده ويستمر في مصر، لا مينفعش كده”.

وتابع: “بتكلم على كل مصر، وبقول للقضاء عرضنا ينتهك في الشوارع وده لا يجوز، حتى لا لو كان حالة واحدة، وبقول للإعلام فيه مسؤولية علينا وإتكلمنا قبل كده علشان فيه مسؤولية على الجميع، الإعلام والشرطة والقضاء وكل راجل عنده نخوة وشهامة عيب عليك، تسيب الحالة دي تحصل حتى لو كانت حالة واحدة”.

وقال: “بعتذرلك وكدولة لن نسمح بده تاني، ولينا إجراءات في منتهى الحسم، وجاي أقولك ولكل ست مصرية أنا أسف، بعتذرلكم كلكم، سامحوني، وإن شاء الله تخفي وتبقى زي الفل، والموقف ده تتجاوزيه بأمان”.

 واشتكت “ضحية التحرش” للرئيس السيسي من انتشار فيديو التحرش بها في ميدان التحرير، قائلة: “الفيديو بتاعي أتصور ومتذاع على اليوتيوب وأنا عندي بنت وبتشوفه قدامها ليل نهار”، فكرر السيسي اعتذاره لها ولكل سيدة مصرية.

الجدير بالذكر أن السيدة التي تم التحرش بها في ميدان التحرير أثناء تأدية عملها كصحفية، في تغطية احتفالات تنصيب الرئيس عبدالفتاح السيسي، ترقد حالياً بمستشفى الحلمية العسكري، نتيجة الاصابات التي وقعت بها.

10371749 779630025413673 1233830362612361077 n 21bad10419032 759507137442751 4331773594105565099 n 12dc110439521 10152607385864316 1527216894575520574 n d821c

التعليقات